Mange av førerane frå NMK Vikedal gjorde det godt i sesongopninga i Bergen. Løpet talde som kvalifisering til Landfinalane for både junior og senior, og førerane frå NMK Vikedal erobra nesten halvparten av dei 12 plassane.
Kjartan Dale, NMK Vikedal, gjekk heilt til topps i bilcross junior i lånt bil. Atle Ø. Veland vart nr. 2 og Steffen Hjelmås nr 3, begge NMK Bergen. Deretter kom Sondre Hundseid Eikeland, Andrè Hustoft Nesheim og Oliver Andrè Matre, alle NMK Vikedal. Alle desse er kvalifisert til Landsfinalen for bilcross junior på Bollandsmoen i Melhus den 27. juli.
