Landsfinalen junior 2015

Camping ved Vikedal Motorbane

Oversiktbilde - Vikedal Motorbane

Trykk på bildet for å skalera det opp

Det blir lagt til rette for camping på eit jorde rett ved sida av Vikedal Motorbane som egnar seg for både telt, campingvogner og bubilar (sjå bilde til høgre). Ein kan då bruka fasilitetane på Vikedal Motorbane som vatn, toalett og evt. dusj. For å vera sikra plass, ber vi om påmelding på e-post til camping@landsfinale.no innan lørdag 25. juli. Opplysningar som er gode å ha med i påmeldinga er namn, tlf. nr., type campingutstyr (telt, vogn, campingbil) og gjerne litt om størrelsen. Campingavgifta blir kr. 100,- for heile helga. Det blir ikkje lagt opp straum, men det vil bli mulighet for å lada telefonar, nettbrett o.l. Har de spørsmål, kan de kontakta Joakim Rønnevik, tlf. 482 44 027.

På grunn av sikkerheten må alle vogner/bilar parkerast med draget eller fronten ut mot vegen. Alle må og vera spesielt forsiktig med open eld pga. brannfaren. Det må vera nattero på området mellom kl. 23.00 og 07.00 og evt. aggregat må/vil bli stoppa i denne perioden.

Andre overnattingsalternativ i området (trykk på Les meir):

Invitasjon til banketten

Plakat-bankett-litenOpplegget for banketten er klart og påmeldinga er opna. Påmelding skjer ved å senda e-post til bankett@landsfinale.no og betala billettane til bankkontonr. 3241.06.00888. Billettane kan du henta ved innsjekk.

Les heile invitasjonen ved å klikke på plakaten til høgre (pdf-fil):

 

Gratis påmelding til deltakar nr. 100

Til no er det 134 kvalifiserte til Landsfinalen for bilcross junior, og heile 88 av dei er påmeldt. Klarar vi å nå 100 deltakerar? Den som blir påmeldt som deltakar nr. 100 skal få gratis påmelding og 2 gratis bankettbillettar i tillegg.
No gjenstår det 3 kvalifiseringsløp, Tour de Motorsport arrangert av NMK Støren som startar i dag og går på 3 forskjellige banar fram til lørdag, Sommarløpet i Bø som går lørdag og søndag, og NMK Orkla som har utsett sitt kval.løp til lørdag 25. juli. For dei som ikkje er kvalifisert enno er det litt seint å melda seg på Tour de Motorsport, men påmeldingsfristen i Bø går ut i dag, 8. juli (www.nmkbo.no) og ordinær påmeldingsfrist for Orkla (www.nmkorkla.no) er 20. juli.
Så langt er det NMK Kvinesdal som har flest påmeldte med 8 deltakerar framfor NMK Aremark med 7. Dei påmeldte representerar 37 forskjellige klubbar over heile landet. Lengst veg blant dei påmeldte har Christian Pedersen, NAF Salten, som bur i Sulitjelma. Han har 1400 km ein veg for å koma fram til Vikedal Motorbane. Litt bak kjem Ruben Karijord og Jakob Eide frå NMK Brønnøy som har rundt 1100 km ein veg.

Mange 2-dagarsløp denne helga

Det vart ingen nye kvalifiserte til Landsfinalen frå Landskamp.no som gjekk på Momarken i helga. Alle dei 10 beste er allereie kvalifisert, og 5 av dei 6 beste er og påmeldt. Me gratulerar Sebastian Huse, NMK Aremark, med seieren og ønskjer han og alle andre velkomne til Vikedal 1. august.

I kvalifiseringsløpet på Landsfinalebanen i Vikedal, var Simen Narvestad frå NMK Kvinesdal den einaste som fullførte A-finalen. 3 bilar vart ståande i sandfella i startsvingen, 1 kjørte forbi i gulflaggsone og ein fekk drivakselbrudd. Dessverre vart bilen til Simen seld etter løpet, men han lova å ha ein ny klar til 1. august. Han fekk i alle fall ein god generalprøve. I Vikedal var det og mange som alt var kvalifisert, men to søskenbarn frå Vikedal kvalifiserte seg og var godt fornøgd med det.

LF_BCjr_kval

Sverre Hundseid (t.v) og Thomas Hundseid Eikeland kvalifiserte seg på heimebane i Vikedal.

Sølve Østbø til topps i Bilcross junior Challenge

Sølve Østbø frå Ølen og NMK Vikedal gjekk i dag til topps i Bilcross junior Challenge på Gardermoen Motorpark. Bilcross junior Challenge er ein talentkonkurranse for ungdom mellom 16 og 18 år der 8 deltakerar vert plukka ut av Bilsportforbundet basert på ein skriftleg søknad til finalen som gjekk 2. pinsedag.

Seiersbilde_BCjrChallenge
Sølve Østbø på taket av premien, ein Opel Corsa bilcrossbil med alt utstyr, omkransa av dei andre deltakerane i finalen.

Landsfinalen på Facebook

For dei som ikkje har sett det før, så er det laga ei eiga Facebook-side for Landsfinalen for BC jr. 2015 som du kan nå via denne linken: https://www.facebook.com/landsfinalejr2015?fref=ts. Den er open for alle og vil gi oppdateringar framover mot 1. august. «Lik» den og du blir oppdatert om det som skjer rundt Landsfinalen.

Favorittseier på Fluberg

Etter at heimeføreren Espen Lappen frå NMK Fluberg og Marius Karlstad frå NMK Gardermoen stod med full pott etter innleiande omgongar, var det Simen Engsvik, NMK Aremark, som gjekk til topps i kvalifiseringsløpet på Vinjarmoen på Dokka sist helg. På dei våte forholda var det ein annan heimeførar, Eskil Espeseth, som kom nærmast Engsvik. Deretter følgde Marcus Bårdseth Enger, NMK Hamar, Espen Lappen, NMK Fluberg, Emil Løstegård, NMK Gol, og Marius Karlstad, NMK Gardermoen. Engsvik kjørte opningsløpet på Landsfinalebanen i Vikedal helga før, men vart berre nr. 5 der. Men han fekk sikkert kjørt nok til å danna seg eit bilde kva utstyr som vil passa på banen i Vikedal.

Komplett resultatliste

 

NMK Kvinesdal-førerane dominerte i Egersund

NMK Kvinesdal-førerane dominerte i kvalifiseringsløpet i Egersund og tok 5 av 6 plassar. Før finalane var Sølve Østbø, NMK Vikedal, den einaste med 30 poeng, men i finalen måtte han gi tapt for Fredrik Ekhom, NMK Kvinesdal. På tredjeplass følgde Simen Narvestad framfor Jørn Håkon Stølen, Sander Narvestad og Christian Årli Hunsbedt, alle NMK Kvinesdal. Sidan Sølve Østbø vart kvalifisert i Bergen for 14 dagar si, vart og Anders Ubostad, NMK Konsmo, kvalifisert med sin 7. plass.

Resultatliste, bilcross junior


Fredrik Ekhom, NMK Kvinesdal, gjekk til topps i kval. løpet i Egersund framfor Sølve Østbø. NMK Vikedal, og Simen Narvestad, NMK Kvinesdal.

Første 6 kvalifisert i Bergen

De første kvalifiseringsløpet som gjekk i Bergen opna med strålande flott vårvær, men dessverre gjekk finalane i plaskande Bergensvær. Dermed var det kanskje ikkje overraskande at det var heimeføraren, Sigve Hansen, som gjekk til topps framfor klubbkamerat Adrian Vaktskjold og NMK Vikedal-føraren Eirik Sandvik. På dei neste plassane kom Julie Mæland og Sølve Østbø, begge NMK Vikedal. Sidan det berre er 5 bilar i finalane på Eikås, vart og andremann i B-finalen, Kaj-Erik Heimvik, NMK Bergen, kvalifisert som sjettemann.


A-finalistane i Bergen, f.v. Adrian Vaktskjold (nr. 2), Eirik Sandvik (nr. 3), Sølve Østbø (nr. 5), Julie Mæland (nr. 4) og Sigve Olsen (nr. 1), har fått invitasjonane til Landsfinalen i handa og er godt nøgde med det.

Velkommen til landsfinalen i bilcross junior 2015!

NMK Vikedal har gleden av å vera vertskap for Landsfinalen for bilcross junior 2015. Finalen går lørdag 1. august og vi håpar alle kvalifiserte tar turen til Vikedal.