Bilgruppa

Trening for bil onsdag 20. Juni😊

Hei,

Det blir trening for bil onsdag 20. Juni 😊 Innsjekk fra kl 17.

Treningsledar: Bjørn Vikedal

Teknisk: Asbjørn Hustvedt Lærdal

Sluttresultater frå todagarscrossen

Her er sluttresultata etter eit spennande løp i flott sommarvær.

Bilcross junior og damer

Bilcross senior

Resultater etter kjøringa lørdag

Mykje flott kjøring i strålande sommarvær i Vikedal i dag. Her er resultata etter dei 3 første omgongane:

Bilcross junior og damer

Bilcross

Viktig – Brannfare!!

På grunn av den lange tørken er brannvesenet i Vindafjord kommune sterkt bekymra for gras- og skogbrannfaren. Følgjande reglar må difor følgjast av alle heile helga:

  • All bruk av eingongsgrill er forbudt. Dette er eit generelt forbud i heile kommunen og kan straffast med bøter inntil kr. 6.000,-. Bøter er allereie gitt i distriktet.
  • Bruk av annan grill skal KUN skje mellom kl. 18:00 og 21:00 på grusunderlag med god avstand til brennbart materiale (gras/telt/presenning osv.), dvs. ikkje inne i telt.
  • Gassgrill anbefalast
  • Grill med kol skal sløkkjast med vatn og kjølast ned til du kan ta på metallet
  • Brannslokningsapparata alle deltakerar er pålagt å ha på depotplass, skal stå ute heile døgnet, vera lett synleg og tilgjengeleg for alle.
  • Røyking må skje med største forsiktighet. Sigarettsneipar må stumpast i askebeger/vatn.
  • All bruk av varme (sveising, bruk av vinkelslipar o.l) må skje med største forsiktighet.

Trening for bil onsdag 23. mai

Det blir trening for bil onsdag 23. mai 😊
Innsjekk fra kl 17.00

Treningsleiar: Jon Bjarte Aarekol
Teknisk: Anders Lint Moland

Pokalen for todagarscrossen

Me ventar fortsatt på seierspokalen. Ettersom Eliteracet sin vart prioritert av leverandøren sidan dei trong den først, ventar me på ny levering frå fabrikken. Imens kan de beundra bildet av pokalen for 2. plass i junior og senior. Seierspokalen i senior er 23 cm høgare, medan seierspokalen i junior- og dameklassa er 13 cm høgare. Trykk på bildet for å sjå eit større bilde.

 

Trening for bil lørdag 19. mai

Det blir trening for bil lørdag 19. mai 😊
Innsjekk mellom kl. 12.00 og 13.00.

Treningsleiar: Svein Erik Østbø
Teknisk: Kurt Birger Hagen

Todagarscrossen 2018 – endeleg

Last ned ved å trykke på bildet

Då er det klart for sesongens høydepunkt, todagarscrossen for bilcross. Som kanskje ein del har fått med seg, er det ein del «gamle heltar» som har mobilisert for å visa dagens aktive korleis ein kjører bilcross. Den mobiliseringa vil nok ikkje stå ubesvart, og dagens unge satsar nok hardt på å bita godt i frå seg. Det blir uansett spennande å sjå kven som kjem til start, og med kva for «grombil». Ryktene går om Starlet med Ford V6, boble med Toyota V6, diverse VW VR6, gromme Volvoar, VW TL med Volvo osv. så her blir det kamp om poenga og finaleplassane.
I tillegg til prestisjen, vil vinnaren i seniorklassen få ein 80 cm høg pokal (bildet ligg under), så her er det berre å leita etter plass i premieskapet, evt. utvida. Vinnaren i juniorklassen får ein nesten like stor pokal, og det same gjer beste dame, uavhengig av om det blir eigen dameklasse eller ikkje.

Som før er det krav til medlemmer i NMK Vikedal om å skaffa minst ein funksjonær til kvar løpsdag, ein lørdag og ein søndag. Desse skal vera 100% tilgjengelege for klubben den dagen, ikkje mekanikerar, barnevakter e.l. Opplysningane om den må ein leggja inn ved påmelding. Dersom det er forskjellige personar dei to dagane eller blir endringar/bytte, må du senda ein e-post til vakt(at)nmk-vikedal.net så snart du veit det. Alle ønskjer om arbeidsoppgåver vil dessverre ikkje kunne bli innfridd.

Førerane i NMK Vikedal må melda seg på innan onsdag 23. mai (ord. frist er 27. mai). Manglar du lisensane, legg inn 18.00000 som lisensnr. så rettar me det på innsjekk.
Ta gjerne utskrift av plakaten og sprei den rundt. Den blir distribuert til ei liste over hjelpsomme medlemmer og interesserte, men til fleire til bedre.

Tilleggsreglar
Her melder du deg på …

Offisiell startliste med korrekte startnr.
Invitasjonen

Flott sesongopning i Vikedal

Det vart ei flott sesongopning i Vikedal i dag med fint vær, masse folk og spennande duellar på banen. NMK Vikedal-førerane gjekk til topps i mange klassar, og kioskane gjekk tomme for varer til slutt.
Her er dei komplette resultatlistene:

Bilcross-klassane
Rallycross- og crosskartklassane

Kombinert dugnad og trening lørdag 28. april

Det blir kombinert dugnad og trening lørdag 28. april. Innsjekk for trening mellom kl. 12.00 og 13.00.
Treninga startar når det har blitt gjort nok dugnadsarbeid ?

Aktuelle arbeidsoppgåver:
– Rydding og ordning rundt miljøstasjonen
+++

Kontaktperson dugnad: Svein Bjarte Holten, tlf: 982 93 791
Treningsleiar: Jon Bjarte Aarekol, tlf: 994 53 325